لیکنه : سید محمد نعیم خالد - ۱۲ اګست ۲۰۱۲
لکه څنګه چی تاسی ته څرګنده ده چی نن ورځ د نړۍ نفوس په ډیر سرعت سره د زیاتیدو په لور روان دی او ضمننا غوښی او دهغه اړوندو محصولاتو ته هم تقاضا په یو لوګارتمیک ډول سره زیاتیږی. ددی تقاضا د زیاتیدو له امله داسی منابع باید پیدا شی چی حیوانی پروټینی منابع په یو باثباته بله پروټینی منبع باندی تعویض کړی.
تر ننه یو تعداد ځیړنیزو منابعو ځینی لاس ته رواړنی لرلی او ځینی تعویضی محصولات یی مارکیت ته وړاندی کړی دی. تر ټولو مشهوره نمونه یی د سویا او غنمو پروټین ، کورن Quorn چی یو مایکوپروټین دی او د Fusarium venenatum او یوی بلی مادی چی د tofu په نامه سره یادیږی ،د تخمر څخه لاس ته راځی.
ضمنا یو تعداد نوری لاری لکه نباتی پروټین ، د الجی پروټین ، د حشراتو پروټین او یا مصنوعی غوښه په لابراتوار کی د غوښی د پروټینو تعویضی او باثباته بڼی بلل کیږی. د نباتی پروټینو له ډلی څخه سویا، غنم او نخود دی چی د پروټینو د استحصال په مخصد تری استفاده کیږی. الجی تقریبا د وزن په اساس ۴۷ سلنه پروټین تشکیلوی، نو ددی له امله نن ورځ الجی یوه مهمه او غنی منبع د پروټین بلل کیږی. حشترات چی نن ورځ په اکثرا ټولنو کی په مصرف رسیږی د پروټین یوه ښه منبع بلل کیږی. د هغوی د زیاتی تنوع چی تقریبا د ۱۰۰۰ په حدودو کی ،بهترینه منبع بلل شوی ده.
Posts
No comments:
Post a Comment