لیکنه : سید محمد نعیم خالد - ۱۷ اګست ۲۰۱۲
نن ورځ مشتریان سابه او میوی د هغه د کیفیت له مخی اخلی. نو ددی له امله د هارټیکلچری محصولاتو کیفیت د ارزښت وړ بلل شوی دی. کیفیت د یو شی د لوړ توب او یا بهترتوب په درجی پوری منسوب کڼل شوی دی. د میوو او سبو کیفیت د ظاهری، داخلی او ځینی نورو پټو مشخصاتو د ترکیب څخه عبارت دی چی هغه ته د مشتری په ذهن کی یو خاص اهمیت ورکوی او د هغه د قبول یا رد سبب کیږی.
اکثرا وخت د میوی قابل قبول توب د مشتری لپاره په ۵ ګونو حسی غړو باندی تړلی وی لکه لید، بوی ، مزه او ځینی وخت اوریدل، چی ټول د کیفیت د تعین په برخه کی مهم رول لوبوی.
په عمومی ډول سره ویلی شو چی دا مشخصات موږ د مشتری د لیدلور له اړخه په دوه برخو ویشلی شو:
۱ - داخلی کیفی مشخصات: دا مشخصات عبات له طعم ( خوږوالی، تروشوالی، ښه بوی) ، ټکسچر( کلک والی، اوبه لرونکی، سخت او ماتیدونکی ) ، غذایی لکه ( کاربوهایدریت ، پروټین ، ویتامین) ، داخلی صدمی لکه ( غارونه ، داخلی خالیګاه ،یخ وهلی، خوسا او یا اوبلن زړی). دا ټول هغه فکتورونه دی چی د محصول په داخلی کیفیت باندی تړلی دی.
۲- باندنی کیفی مشخصات : دا مشخصات عبارت دی له اندازی ( وزن ، حجم ، قطر) ، شکل ( د قطر او طول د میوی یا سبو د تناسب څه عبارت دی) ، رنګ ( د رنګ یو شانته توب او د رنګ غلظت او تراکم ) او بل د ظاهری صدمی لکه ( زخم، خال او یا ناسمه وده ) پکښی شامل دی.
میوی د شکل له مخی په لاندی ګروپونو ویشل کیږی:
۱ - ډیر کوچنۍ
۲ - کوچنۍ
۳ - متوسطی
۴ - غټه
۵ - دیری غټی میوی
علاوه د پورته یاد شویو کیفی مشخصاتو سره نن ورځ د هارټیکلچری محصولاتو د کیفت د اندازه کولو لپاره یو تعداد غیر متضرره کوونکی لاری چاری هم منځ ته راغلی او انکشاف ورکړ شوی دی. چی پدی برخه کی د انځور د تحلیل ، لایزری سپکتروسکوپی، د جذب سپکتروسکوپی ، د ایکسری انځورونه، سی ټی سکن، التراسونیک او الکترو مګنیتیک ام آر آی څخه نمونه یادولی شو.
Posts
No comments:
Post a Comment