لیکنه : سید محمد نعیم خالد - ۸ جون ۲۰۱۲
لیستریا په خاوره، اوبو او ځینی حیواناتو کی پیدا کیږی. همدا شان په شیدو، غوښه اود هغه محصولاتو کی چی د شیدو څخه جوړ شوی وی، ورپکښی پیدا کیږی. لیستریا یو د هغه بکتریا څخه شمیرل کیږی چی د خوړو څخه پیښدونکی ناروغۍ په لوړه کچه منځ ته راوړی. په خاصه توګه هغه محصولات چی ډیر حساس دی .د انکیوبیشن دوره یی د ۳ څخه ۷۰ ورځو پوری ده. خاص علایم یی عبارت د تبی، عمومی بدنی ضعف ، استفراق او ځینی وخت اسهال دی. هغه ناروغی چی د لستریا په واسطه منځ ته راځی د Listeriosis په نامه سره یادیږی.
یوی امریکایی کمپنۍ د Kemin په نامه سره د پروپیونیک اسید څخه جوړ شوی انتی میکروب څخه په استفاده سره په تیاره شوی غوښه او د چرګانو په غوښه کی لیستریا تر کنترول لاندی راوستلی ده.
دا کمپنۍ ادعا کوی چی دا محصول د BactoCEASE په نامه سره یادیږی ، کم قیمت لری ، او د لیستریا بکیتریم کنترولوی، میکروبی فاسدونی څخه مخنیوی کوی، د محصول عمر زیاتوی او او ضمنأ د محصول محفوظیت هم اطمنانی کوی.
ویلیام شریوډار د ددی کمپنۍ د ځیړنی او انکشاف دبرخی مسؤل وایی چی تر ننه ورځی پوری په نړۍ کی یوازی Lactate د لیستریا د کنترول لپاره استعمالیدل مګر موږ وتوانیدلو چی دا نوی محصول په مناسبه بیه سره مارکیټ ته ارایه کړو.
داسی ویل کیږی چی BactoCEASE دغوښی په طعم باندی منفی اغیزی نلری او تر ټولو ښه ګټه یی داده چی په نهایی محصول کی په کم مقدار باندی سودیم چی نن ورخ دهغه د کمولو لپاره هځی کیږی، پاتی کیږی.
لیستریا په یخچال کی هم اوسیدلی شی نو ددی له کبله د پروسس په وخت کی یی د حل لاره د خوړو ښه پخول او پاستوریزشن دی.
Posts
No comments:
Post a Comment