چمتوکوونکی : سید محمد نعیم خالد
حسی ارزیابی یو علمی دیسپلین دی چی د طرح تجارب او احصایوی تحلیلونو څخه په استفادی سره د انسان د ۵ حسونو څخه کار اخستل کیږی تر څو د خوړو کیفی څرنګوالی وښی.
هغه کیفی مشخصات چی د یو محصول پدی ډول امتحانونو کی تر ځیړنی لاندی نیول کیږی عبارت دی له مزی ، تکسچر، بوی او ظاهری بڼه په یو کنترول شوی چاپیریال کی وی.
دا ارزیابی معمولا د خامو موادو او آخری محصول د کیفیت د معلومولو په خاطر تری استفاده کیږی.
د حسی ارزیابۍ ډولونه :
- موثره امتحانونه یا Effective testing - هغه امتحانونه دی چی د محصول د هدفی مشخصات د پیدا کولو په خاطر تر سره کیږی. پدی امتحان کی اکثرا ۲۰ نفره روزل شوی امتحان کوونکی ګډون کوی.
- متاثره کونکی امتحانونه یا Affective testing - دا امتحانونه د مشتریانو د امتحان په نامه هم یادیږی. او په علمی ډول ورته Hedonic test وای. هغه امتحان دی چی فاعلی معلومات د یو محصول تر ځیړنی لاندی نیسی. پدی امتحان کی د ۵۰ څخه ډیر امتحان کوونکی ګډون کوی.
- ادراکی امتحانونه یا Perceptive testing - پدی برخه کی د روانی او بیوشیمیکی تیوریو په اساس امتحان صورت نیسی چی د انسان فزیولوژی ډیر رول کی لری.
په کوم وخت کی حسی ارزیابی وکاروی؟
۱ - د محصولاتو د مشابه توب مقایسه کول
۲ - د محصولاتو تحلیل د هغه کیفیت د ښه توب په خاطر
۳ - د محصول د قابل د استفادی او نه استفادی معلومول
۴ - د محصولاتو دښو مشخصاتو په ګوته کول
۵ - د آخری محصول د کیفیت مقایسه د هغه د اولی او لیلکل شویو مشخصاتو سره
Posts
No comments:
Post a Comment