ایزو ۹۰۰۰ معیار

ژباړن : سید محمد نعیم خالد 

ایزو ۹۰۰۰ د لمړی ځل لپاره په ۱۹۸۷ کی په چاپ ورسید. ایزو ۹۰۰۰ معیارونه معمولا د کیفیت څخه بحث کوی. ددی معیارونو په لړ کی بیلا بیل نور فرعی معیارونه وجود لری چی تر ټولو مهم معیار یی ایزو ۹۰۰۱ دی چی په ۲۰۰۸ کال کی د آخری ځل لپاره په نشر ورسید. د ایزو ۹۰۰۰ د معیار ټول اړوند نور معیارونه معمولا د مشتری په رضایت او دهغه د توقعاتو د رفع کولو په خاطر جوړ شوی دی.د ایزو ۹۰۰۱ معیار یو ښه توت دا دی چی په هر رقم سازمان کی ورڅخه استفاده کیدای شی.

دایزو ۹۰۰۰ د معیار د استعمال دلایل

نن ورځ په نړۍ کی تقریبا په ډیرو ځایونو کی لیدل شوی دی چی خریداران او نور ذینفع کسان د هغوی د تمویل کوونکو څخه دا تقاضا لری چی باید د ایزو ۹۰۰۱ په معیار سره برابر خپل فعالیت ته ادامه ورکړی. او دهغه د سند درلودونکی وی. په ۲۰۱۱ کال کی د British Assessment Bureau دیوی سروی په ترځ کی داسی وښودل شوه چی هغه کسان چی په ایزو ۹۰۰۱ معیار سره برابر او سند یی لری ، په خپلو کارونو کی ۴۴ سلنه زیاتوالی منځ ته راغلی دی.

احصایه

دایزو د سندونو د اخستلو پرمختک او احصایه په لاندی جدول کی ښودل شوی ده.

دسمبر ۲۰۰۹	دسمبر د ۲۰۰۸	دسمبر د ۲۰۰۷
1,064,785	982,832	951,486

نن ورځ چین د هغه هیوادونو څخه دی چی تر ټولو ډیر د ایزوسند درلودونکی لری او ددی کمپنیو تعداد 257,076 ته رسیږی چی په ایزو ۹۰۰۱ معیار باندی کار کوی او سند یی لری.‌

تفتیش

تفتیش چی په انګرزی کی ورته Auditing وایی ، د ایزو د معیار د اخستلو او د اخستل شوی سند د تصدیق په خاطر تفتیش صورت ونیسی. دا تفتیش داخلی او باندنی وی. باندنی تفتیش یا external audit د باندنی موسسی یا سازمان لخوا باید ترسره شی. او داخلی تفتیش یا Internal audit باید د داخلی کارمندانو لخوا ترسره شی.